Link açıqlığı

Kreml nezaretindeki Qırım mahkemesinde «Hizb ut-Tahrir işiniñ» Yaltalı dört mabusı içün apis müddetini 2017 senesi aprel 8 kününe qadar uzattılar. Bunı fevral 3 künü Radio Svoboda muhbiri bildirdi.

Bundan evel Cuma künü mahkeme Vadim Siruk ve uquq qoruyıcı Emir-Usein Kukunı apiste qaldırğan edi.

Mahkeme oturışınıñ arfesinde mabuslarnıñ soy-sopları, Yalatalı «Hizb ut-Tahrir işiniñ» diger eki maznunı içün mahkeme qararına dair hayal qurmağanlarını aytqan ediler.

«Hizb ut-Tahrir» davasınıñ Yaltalı iştirakçileri yarım yıldan ziyade apiste yata. Birinci dört kişi 2016 senesi fevral 11-de yaqalanğan edi. Olarnıñ arasında İnsan aqları bağ gruppasınıñ azası Emir-Üsein Kuku da bar. Ondan ğayrı qurucılıqnen oğraşqan Aluşta sakini Müslim Aliyev ve Qızıltaş köyüniñ sakini Enver Bekirov, ve Yaltalı çeçek satıcısı Vadim Siruk da yaqalanğan edi.

Uquq qorçalayıcılar apiske alınğan Yalta sakinlerini siyasiy mabus olaraq tanıy.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG