Rusiye prezidenti Vladimir Putin, işğal etilgen Qırımnıñ Rusiyeli prokurorı oaraq Oleg Kamşılovnı tainledi, bu aqta ferman resmiy adliyeviy malümat sitesinde yerleştirilgen.
RİA Krım bildire ki, aynı ferman ile Rusiyeniñ Aqyardaki taqiqat idaresiniñ yolbaşçısı olaraq Viktor Tanifa tainl etile.
Rusiye nezaretindeki Qırım parlamenti dekabr 28 künü Oleg Kamşılovnı işğal etilgen Qırımnıñ prokurorı vazifesine tain etken edi.
Oleg Kamşılov Omskta şeer prokurorınıñ birinci muavini, Krasnoyarsk vilâyet prokurorınıñ birinci muavini , 2015 senesi 24 noyabrden berli ise – Moskva prokurorınıñ birinci muavini olıp çalışqan edi. Bundan evel, 2014 senesi mayıs ayından 2016 senesi oktâbr ayına qadar Qırımnıñ prokurorı, qomşu Rusiyeniñ Devlet Dumasına deputat olaraq saylanılğan Natalya Poklonskaya olğan edi.
