Link açıqlığı

Qırımda kurort mevsiminiñ açılışını II Yekaterina seyaatınıñ 230-yıllığına bağışlaycaqlar – Strelbitskiy


Sergey Strelbitskiy

Kreml nezaretindeki Qırımnıñ Kurort ve turizm nazirligi bu sene yaz kurort mevsiminiñ açılışını – rus imperatoriçesi II Yekaterinanıñ yarımadada keçirgen seyaatınıñ 230-cı yıllığına bağışlaycaqlar. Bunı müessiseniñ matbuat hızmeti, yolbaşçıları Sergey Strelbitskiyge atıf etip, haber ete.

Strelbitskiy: «Bu sene II Yekaterinanıñ Qırımğa kelgeninden 230 yıl keçecek. Bu seyat – yarımadada turizm inkişafınıñ başlanğıçı olaraq tanıla. Regionlarda aprel 29 – mayıs 2 künleri arasında bayram merasimleriniñ keçirilmesi belgilene. Şeer ve rayonlar şimdiden başlap bu künler içün meraqları programmalarnı tüşünüp tapmaq kerekler, Qırım sakinleri ve musafirler öz istiraatını evelden plan etip olsunlar», – dep qayd etti.

Bundan evel Strelbitskiy, Qırımda 450 kilometr plâj saillerinden ancaq 100 kilometrlik qısım abadlaştırılğanını beyan etken edi.

Qırımda mayıs-sentâbr aylarında ya da tek yaz aylarında kurort bergisini almağa teklif etler. Kreml nezaretindeki Qırım akimiyetiniñ Kurort ve turizm naziri, bundan sebep turister sezonlar arasında kelmek içün rağbetlenmek mümkün olğanlarını tüşüne.

2017 senesi mart 1 kününe qadar, prezident Vladimir Putinniñ emirine binaen, Rusiyede kurort bergisi qabul etilmek kerek.

Keçende Kreml nezaretindeki Qırım yolbaşçısı Sergey Aksönov, Rusiye prezidentiniñ böyle qararına qol tuttı, ve bu bergi 50 rubleden ziyade olmacağını tüşüngenini ayttı.

XS
SM
MD
LG