Link açıqlığı

Ukraina Prezidenti Petro Poroşenko, Almaniyalı haber vastalarına intervyü berip, Ukrainanıñ NATO-ğa kirmek kerekligi aqqında sual ile referendum keçirmege niyetli olğanını bildirdi.

Funke Mediengruppe agentliginde fevral 2 künü derc etilgen intervyüda Poroşenko qayd etti ki: «Dört yıl evelsi ealiniñ ancaq 16% Ukrainanıñ NATO-ğa kirecegine qol tutqan edi. Şimdi ise 54%».

Ukraina devlet yolbaşçısı: «Prezident olaraq, men öz insanlarımnıñ fikirine köre areket etem, ve men NATO azalığı hususında referendum keçirecem», – dep qoştı.

O, insanlar bu ğayege qol tutsalar, «ittifaqnıñ azası olmaq içün elinden kelgenini yapmağa» vade etti. Onıñ sözlerine köre, 2020 senesine qadar Ukrainanıñ askerleri NATO standartlarına uyacaq.

NATO ve Ukraina 1990-cı yıllardan berli işbirlik alıp baralar. Mudafaa ittifağında bu işbirlikni «eñ müimlerden» biri olaraq köreler. Lâkin Ukrainanıñ ittifaqqa yaqınlaşmağa devam etkeni er sefer Kyiv ve Brükselniñ Moskva ile munasebetlerini kerginleştire.

XS
SM
MD
LG