Link açıqlığı

Yarımadada 400 biñ insan suv yetişmegeninden horlana – Qırımdaki akimiyet


Qarasuvbazar suv anbarı, 2016 snesi oktâbr ayında. Tasviriy foto

Kreml nezaretinde çalışqan Qırım Ekologiya ve tabiat resursları naziri Gennadiy Narayev dey ki, içilecek suv yetişmegeninden sebep tahminen 400 biñ Qırım sakini horlana. Bunı fevral 1 künü Rusiyeli TASS agentligi haber ete, ve Qırımda künde 1,2 mlrd. kubometr suv kerek olğannda 300 mln. kubometr yetişmegenini qayd ete.

Evelleri üç suv anbarı Şimaliy-Qırım kanalınıñ suvı ile toldurılığan yarımadanıñ ğarbiy qısımı şimdi ağır vaziyette olğanı beyan etile. Qırımnıñ diger rayonlarında suvnen teminlev meselesi qorqu doğurmay, çünki suv anbarları dağlardaki özen ve çoqraqlardan ve yağanaqlardan kelgen suv ile tola.

Seyitler rayonında suv meselesini çezmek içün 36 araçıq qazıldı, ve olar üç suv alımına birleştirildi. Bildirüvde, olar umumen 195 biñ kubometr suv bergenleri haber etile.

Rusiyeniñ Qırım işğalinden soñ Ukraina yarımadağa Dnipronı yarımada ile bağlağan esas Şimal-Qırım kanalı üzerinden suv berilmesini toqtattı. Ukraina Qırımnıñ suv ihtiyacalırınıñ 85%-nı bu kanal vastasınen qarşılağan edi.

XS
SM
MD
LG