Halqara mahkeme Ukrainanıñ Rusiyege qarşı açtırğan davası boyunca ilk diñlevlerini mart 6-9 künleri keçirecegini haber etti.
Birleşken Milletler Teşkilâtındaki eñ yuqarı mahkeme organı çalışqan Gaaga diñlevlerinde Ukraina rica etken vaqtınca tedbirlerniñ qullanılması baqılacaqtır. Ukraina Rusiye ile terrorizmniñ maliye etilmesi ve er angi millet ayırımı ile küreşke dair halqara konventsiyalarnıñ qullanılmasınen bağlı davada buluna.
Yanvar 16 künü Ukraina BM Halqara mahkemesine muracaat etip, terrorizm ve ırq ayırımına maddiy destekekniñ toqtatılması aqqında halqara konventsiyalar Rusiye tarafından bozulğanına şikâyet etti. Ukraina Tışqı işler naziligi Rusiye Qırımda rus olmağan cemiyetler, şu cümleden etnik ukrain ve qırımtatarlarnı ayırımğa oğratıp, millet ayırımınıñ er angi çeşiti ile küreş Konventsiyasını boza, dep qayd ete.
Rusiyeniñ Qırım işğalinden soñ Donbassta silâlı zıddiyet devam ete. Ukraina ve Ğarp Rusiyeni separatistlerge qoltutqanı ile qabaatlaylar. Kreml bunı inkâr etip, Donbassta Rusiye «göñüllileri» bar ola bile, dep bildire.
