Link açıqlığı

Kürbedinovnıñ işi boyunca şikâyet arizası baqılğanda advokatnıñ özüni alıp kelmediler – Polozov


Emil Kürbedinov, arhiv fotoresimi

Çarşenbe künü, fehral 1-de, Kreml kontrol etken Qırım Yuqarı mahkemesinde advokat Emil Kürbedinovnıñ işi boyunca şikâyet arizası baqılğanda advokatnıñ özüni alıp kelmediler. Bunı Nikolay Polozov Twitterde haber ete.

Polozovnıñ aytqanına köre, mahkemeniñ küçük zalna yalıñız 6 kişi kirip oldı.

Advokat Cemil Temişev Kreml kontrol etken Qırım Yuqarı mahkemesinde fevral 1-de advokat Emil Kürbedinovnıñ işi boyunca şikâyet arizası baqılacaq, dep haber etken edi.

Advokat Emil Kürbedinov yanvar 26 künü Bağçasarayda Rusiyeniñ silâlı hızmetleri tarafından yaqalandı. O qırımtatar faali Seyran Saliyevniñ evine, adliyeviy yardım bermek içün kete edi. Aqmescitniñ Demiryol rayon mahkemesi advokat Emil Kürbedinovnı Memuriy qanun bozuvları Kodeksiniñ 20.3 maddesi (Natsist timsalleriniñ teşviqatı ve açıq numayışı) boyunca qabaatlı olaraq tanıdı ve 10 künge apis etti.

Bunıñ sebebi Kürbedinov «Vkontakte» saifesinde 2013 senesi Aqmescitte «Hizb ut-Tahrir» mitingi aqqında yazını paylaşqanı oldı.

Kürbedinov siyasiy işlernen oğraşqan esas Qırımlı advokatlardan biri ola. Onıñ özü ve zenaatdaşları bu yaqalavnı – onıñ advokatlıq areketine qaba şekilde keder etüv olaraq tanıylar.

XS
SM
MD
LG