Link açıqlığı

Salı künü Qırımda 13 derece suvuq olacağı, gece tuman tüşecegi, kündüz qar yağacağı beklenile. Bunı Qırım gidrometeorologiya merkezinde bildirdiler.

Sinoptiklerniñ tahminlerine köre, salı künü yaırmadada ava suvuqlığı gece sıfırdan aşağı 8-13, kündüz – 1-6 derecege qadar tüşecek. Şimaliy-şarqiy taraftan saniyede 7-12, bazıda – 17 metr suratınen yel esecek.

Qırım boyunca Fevqulâde vaziyetler nazirliginiñ baş idaresi Qırımnıñ cenübiy yalı boyunda furtuna havfını ilân etti.

Yanvar 27 künü Yaltada küçlü qar yağğanı sebebinden yollar tıqanğan edi ve bir-çoq qazalar yüz berdi. Kün devamında yollarnı temizlemek içün 13 mahsus maşna çalışa edi.

Qırımdaki Rusiye FVN idaresi maşna aydavcılarında yollarda mıqayt olmaq ve qaidelerge riayet etmek kerek olğanlarını hatırlattı.

XS
SM
MD
LG