Kyivde yanvar 28-de Bütün dünya qırımtatar kongressi (BDQK) icra komitetiniñ yedinci toplaşuvı keçirile. Muzakere etilgen esas mevzulardan biri Qırımda qırımtatar halqınıñ vaziyeti ve qırımtatar açıq diplomatiyasınıñ strategiyası oldı. Bu aqqında Ukraina prezidentiniñ qırımtatar halqı işlerinden vekâletlisi, halq deputatı Mustafa Cemilev Facebookta bildire.
«İşğal etilgen Qırımda olğan soñki adiselerden sebep BDQK icra komitetiniñ kün tertibine advokat Emil Kürbedinov ve faal Seyran Saliyevniñ yaqalanması kirsetildi», – dep yazdı Cemilev.
Yanvar 30-da Dünya qırımtatar kongressiniñ azaları Herson vilâyetiniñ Geniçesk rayonını ziyaret etmege planlaştıralar.
Bundan evel Dünya qırımtatar kongressi farqlı memleketlerniñ ükümetlerine 1944 senesi qırımtatar sürgünligini genotsid olaraq tanımaları içün muracaat etken edi.
Muracaat Avropa, Amerika, Latin Amerika, Afrika ve BMT yanında temsil etilmegen Birleşken milletler ve halqlarnıñ devlet azalarınıñ 300 memleketiniñ akimiyetine yollanılğan edi.
2015 senesi noyabr 12-de Ukraina 1944 senesi mayıs 18 qırımtatar sürgünligini genotsid olaraq tanığan edi.
