Link açıqlığı

Yanvar 26 künü apis etilgen advokat Emil Kurbedinov Aqmescitniñ muvaqqat apishanesinde buluna. O ayrı apiste otura ve olğan şaraitlerge şikâyet etmey. Bunı Qırım.Aqiqatqa onıñ advolatı Edem Semedlâyev tarif etti, o zenaatdaşını yanvar 27 künü ziyaret etti.

«Emilniñ ruhı mert, özüni tendirist iss ete. Kamerada bir özü yerleştirilgen, şimdilik şikâyetleri yoq, apishane idaresi tarafından problemler daa olmadı. Meni problemsiz yiberdiler. Yerleşe, ümüt etem ki, yañı yerge be yañı alğa çoqqa alışmağa kerek olmaz», – dep ayttı Semedlâyev.

Onıñ sözlerime köre, Kurbedinov oña destek bildirmek içün tintüv yerlerine ve mahkeme toplaşuvına kelgen er kesge teşekkür bildirmege rica etken. Semedlâyev dey ki, destek bildirmek içün Kurbedinovnıñ bir çoq müşterileri kelgen edi, olar arasında şartlı müddet alğan soyları da bar edi, albu ki olar içün bu kibi adiselerde iştirak etmek havflıdır.

Advokat Emil Kurbedinov yanvar 26 künü Bağçasarayda Rusiyeniñ silâlı hızmetleri tarafından yaqalandı. O qırımtatar faali Seyran Saliyevniñ evine, adliyeviy yardım bermek içün kete edi. Aqmescitniñ Demiryol rayon mahkemesi advokat Emil Kurbedinovnı Memuriy qanun bozuvları Kodeksiniñ 20.3 maddesi (Natsist timsalleriniñ teşviqatı ve açıq numayışı) boyunca qabaatlı olaraq tanıdı ve 10 künge apis etti. Bunıñ sebebi – Kurbedinov «Vkontakte» saifesinde 2013 senesi Aqmescitte «Hizb ut-Tahrir» mitingi aqqında yazını paylaşqanı oldı.

Kurbedinov, siyasiy işlernen oğraşqan esas Qırımlı advokatlardan biri ola. Onıñ özü ve zenaatdaşları bu yaqalavnı – onıñ advokatlıq areketine qaba şekilde keder etüv olaraq tanıylar.

XS
SM
MD
LG