Link açıqlığı

Dünya Qırımtatar Kongressiniñ azaları yanvar 30 künü Herson vilâyetinde Geniçesk rayonını ziyaret etmege niyetliler. Bunı Qırım.Aqiqatqa bergen izaatında qırımtatar halqınıñ lideri Mustafa Cemilev bildirdi.

«Yanvar 27 künü Türkiyeden ve diger devletlerden vekiller kelecek. Biz Dünya Qırımtatar Kongressiniñ İcra Komitet toplaşuvını keçirecemiz, bundan soñ, olar Geniçeskni ziyaret etmege niyetliler», – dep qayd etti Cemilev.

O dey ki, bu teftiş ziyareti olacaq, çünki «şeerde bir çoq çezilecek problemler toplandı».

«Bunen beraber göñülliler taburınıñ tertip etilmesini tezleştirmege isteymiz», – dep qoştı Cemilev.

Mustafa Cemilevniñ özü bu ziyarette iştirak etecegi daa tam belli degil.

Keçende Dünya Qırımtatar Kongressi çeşit devlatlerniñ akimiyetlerine muracaat yollap, 1944 senesi qırımtatarlarnıñ sürgün etilmesini genotsid olaraq tanımağa çağırdı.

XS
SM
MD
LG