Link açıqlığı

Saatnıñ esas haberi

Aqyar ve Aqmescit universitetlerinde arbiy kafedralar açıla bile – matbuat vastaları


Rusiye Mudafaa nazirligi 2017 senesi Aqyar, Aqmescit ve Stavropol (Rusiye) universitetlerinde arbiy kafedralarnı açmağa planlaştıra. Bunı «RİA Novosti Krım» Rusiye Cenüp arbiy bölgesiniñ tasil bölügi yolbaşçısı, polkovnik Sergey Menşikovnıñ malümatına esaslanıp yaza.

«Aqmescitteki Qırım federal universiteti, Aqyar devlet universiteti ve Stavropoldeki Şimal-Kavkaz federal universitetinde üç arbiy kafedra açmağa planlaştıramız. Studentlerni mayıs ayında qabul etecekler», – dep ayttı Menşikov.

Onıñ bildirgenine köre, iş sıfırdan başlaycaq – aliy oquv yurtunda derslikler toplamaq, ocalarnı tapmaq kerektir.

«Aqmescit ve Aqyarda Rusiye Qara deñiz flotu erkânına kirecek ordu içün Rusiye zabitleri ve serjantlarını azırlaycaqlar», – dep qayd ete neşir.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG