Link açıqlığı

Saatnıñ esas haberi

Qırım faali Saliyevni eki maddege köre qabaatlı olaraq tanıdılar


Seyran Saliyev ve ömür arqadaşı
Seyran Saliyev ve ömür arqadaşı

Yanvar 26-da işğal etilgen Qırımda Rusiye uquq qoruyıcıları tarafından yaqalanğan faal Seyran Saliyevni eki maddege köre qabaatlı olaraq tanıp, 12 künge qadar apiske aldılar. Bunı advokat Timur İbragimov Facebook saifesinde bildirdi.

Qayd etile ki, Saliyev eki memuriy maddege köre qabaatlana: Rusiye Memuriy cinayetler kodeksiniñ 20.29 maddesi (ekstremist malümatlarını tarqatuv) ve Rusiye Memuriy cinayetler kodeksiniñ 20.3 maddesi (natsist timsalleri ya da ekstremist teşkilâtı timsalleriniñ teşviqatı ya da açıq numayışı).

Kreml kontrol etken Qırım ükümetiniñ milletlerara munasebetler işleri devlet komitetiniñ reisi Zaur Smirnov Qırımda «Hizb ut-Tahrir teşkilâtınıñ bölügini yoq etüv» tedbirleri keçirile, dep bildirdi.

Yanvar 26-da Bağçasarayda qırımtatar faali Seyran Saliyevniñ evinde tintüv keçirildi. Soy-soplarınıñ aytqanına köre, Rusiye uquq qoruyıcıları yasaq etilgen edebiyatnı qıdırğanlar. Saliyevni Rusiye İçki işler nazirliginiñ Bağçasaraydaki içki işler rayon bölügine alıp kettiler.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG