Link açıqlığı

Evinde tintüv ötkerilgen soñ, Seyran Saliyevnı İçki işler organlarınıñ rayon idaresine alıp keteler – Smedlâyev


Tasviriy resim

Yanvar 26 sabası evinde tintüv ötkerilgen qırımtatarını Bağçasarayda İçki işler organlarınıñ rayon idaresine alıp kettiler. Bunı öz Facebook saifesinde Qurultaynıñ MSK reisi Zair Smedlâyev haber ete.

«Seyran Saliyevni Bağçasaray ROVD binasına alıp keteler. Tintüv vaqıtında cep telefonlarını tutıp aldılar», – dep aytıla bildirüvde.

Bundan ögüne, advokatlar Edem Semedlâyev ve Emil Kurbedinovnıñ maşnasını polis hadimleri toqtatıp, soñra ise FSB hadimleri kelip Kurbedinovnı yaqalağanları belli olğan edi.

Rusiyeniñ Qırım işğalinden soñ qırımtatarlar yarımadada Rusiye akimiyetini tanımadı. Böylece, Qırımnıñ şimdiki akimiyeti ve uquq qoruyıcıları olarğa qarşı basqı yapmağa başladılar. Dünya toplulığı Qırımda insan aqlarını qorçalamağa çağıra, Rusiyeden ise yarımadada insan aqlarına riayet etmesini talap ete.

Qırımda bir sıra mahkeme esnası keçirile, tintüv ve apis cezaları devam ete. Uquq qorçalayıcılar Rusiye akimiyetiniñ Qırımda yapqanları «siyasetnen bağlıdır» deyler.

XS
SM
MD
LG