Link açıqlığı

Zubkov öz yañı ayvanat bağçasını İstanbul civarında quracağını ilân etti


«Taygan» safari-park arslanlarınıñ qafesi, Qırım

Qırımdaki «Taygan» arslanlar bağçasınıñ saibi Oleg Zubkov, İstanbul civarında ayvanat bağçasınıñ qurucılığı aqqında türk akimiyetinen añlaşqanı aqqında bildirdi. Bunı o öz resmiy bloggında yazdı.

«İstanbul civarında yañı ayvanat baqçasınıñ qurucılığı aqqında İstanbulnıñ memuriyeti ve «Taygan – Group» (Türkiyede qayd etkenim şirket) arasında ötkerilgen muzakereler muvafaqiyet ile yekünlendi. Qurulacaq «mega-Taygan» içün topraq İstanbuldan 26 kilometr uzaqlıqta, Qara deñizniñ yalısında endi saylanıldı ve belgilendi», – dep yazdı Zubkov.

Onıñ sözlerine köre, olacaq ayvanat bağçasınıñ meydanlığı 200 gektarnı teşkil ete, o yerde bir qaç büyük göl yerleşe.

Zubkov qayd etti ki, mimar ve tasarımcılar ögünde dünyanıñ eñ güzel ayvanat bağçalarından biri olacaq bağçanıñ leyhasını azırlamaq vazifesi qoyuldı. Obyektniñ qurucılığı yılnıñ ortasında başlacaqtır.

XS
SM
MD
LG