Litvağa birinci alman ve belçika asker gruppaları keldi. Olar ülkede yerleşken halqara NATO batalyonında hızmet etecekler. Bunı DW haber ete.
Agentlikniñ qayd etkenine köre, şarq flangını küçleştirecek işbu batalyonnıñ başında alman tarafı olacaq. Onıñ erkânına 1200 asker kirecek. 2017 senesi fevralniñ soñunda memleketke Bundeswehrniñ daa 450 arbiysi, silâ ve tankları kelecek.
Bundan evel NATO vekilleri Ukrainağa Arbiy küçlerge qıymet kesüv ve planlaştıruv ceryanına celp etmek içün kelgen ediler.
2016 senesi iyül ayında Varşavada ötkerilgen NATO sammiti devamında aza-devletler ordularını Poloniya ve Baltiya ülkelerinde yerleştirmege añlaşqan edler. İngiltere, Almaniya, Kanada ve AQŞ tarafından dört batalyon teşkil eteilecek. NATO yolbaşçısı Jens Stoltenbergniñ sözlerine köre, bu Rusiye tarafından Qırımnıñ işğal etilmesine ve Ukrainanıñ şarqiy vilâyetlerinde ayırılıqçılarğa destek berilmesine bir cevap olacaq.
