Link açıqlığı

Qırımdaki bala ombudsmenine bir yıl içinde 1,5 biñ kişi muracaat etti – matbuat vastaları


Qırımda balalar. Örnek resim

2016 senesi Kreml tayin etken Qırım bala aqlarından vekâletlisi İrina Klüyevağa 1,5 biñ insan muracaat etti. Bunı o «Qırım gazetası» ile «İş üylesi» vaqtında ayttı, dep yaza KİA.

Onıñ aytqanına köre, 2015 senesi aynı raqamlar olğan edi, amma şimdi muracaatlarnıñ mevzusı deñişti.

«2015 senesi mektepten aldın tasil ve vatandaşlıq mevzusı müim olğan olsa, şimdi o qadar sıq-sıq rastkelmey. Çağına yetmegenlerniñ mesken aqqını yerine ketirilmesinen bağlı muracaatlarnıñ sayısı arttı», – dep ayttı İrina Klüyeva.

Bundan ğayrı, Qırım bala aqlarından vekâletlisine balalarğa tibbiy yardım kösterilmesinen bağlı problemler ile muracaat ete ve yazda sağlıq tüzetilmesi vaqtında çağına yetmegenlerniñ aqqları bozulğanından şikâyet eteler.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG