Link açıqlığı

«Çonğarda» gümrük ve sıñır hızmetiniñ hadimleri memuriy sıñırdan yükniñ keçmesine yardım etkenleri içün yaqalandılar


Yanvar 23 künü Herson vilâyetiniñ Milliy politsiya hadimleri, içki telükesizlik zabitleri ve Devlet sıñır hızmetiniñ operativ bölükleri ile işbirlikte, Herson garnizonı arbiy prokuraturasınıñ nezareti astında, memuriy sıñırdan keçirilmesi yasaqlanğan yükniñ «Çonğar» kontrol noqtasında maşnalardan birisinde taşılğanını izar ettiler.

«Başta belgilendi ki, qanun bozuvına gümrük ve sıñır hızmetleriniñ teftişçileri qarışmaq mümkünler. Olar «Çonğar» kiriç-çıqış nezaret noqtasınıdan yükniñ taşınılması içün qanunsız kelir talap ete ediler», – dep aytıla Ukraina Devlet sıñır hızmetiniñ bildirüvinde.

Müessiseniñ matbuat hızmeti bildire ki, «memurlar yaqalandı, olar Ukraina CK 3 q. 368 mad. boyunca yapılğan cinayette şekli olğanlarından haberdar etildi».

Qırım 2014 senesiniñ başında Rusiye tarafından işğal etilgen soñ Ukainanıñ qıtaiy qısımı ve yarımda arasında asılında memuriy, lâkin fakt olaraq kerçek «sıñır» keçirildi. Memuriy sıñırda «Kalançak», «Çongar» ve «Çaplınka» kiriş-çıqış kontrol noqtaları çalışmaqta.

XS
SM
MD
LG