Link açıqlığı

«Çiygoznıñ işi» boyunca mahkeme toplaşuvnıda teneffüs olğanda Reşat Ametov añıldı – Smedlâyev


Arhiv resimi, «26 fevral işi» boyunca mahkeme toplaşuvınıñ ögünde

Aqmescitte yanvar 24 künü «Çiygoznıñ işi» boyunca mahkeme toplaşuvında üylelik teneffüsi ilân etilgen soñ, mahkemege toplaşqanlar, 2014 senesi baarde esir etilip öldürülgen Reşat Ametovnı añıp, dua keçirdiler. Bunı Qırımtatar Milliy Qurultayınıñ MSK reisi Zair Smedlâyev öz Facebook saifesinde haber etti.

«Mahkeme toplaşuvında ve mahkeme binası yanında bulunğanlarnıñ episi Refat Ametov ve Zarina Ametova ile birlikte, 2014 senesi mart ayında vahşiyce qatil etilgen, bügün ise 42 yaşını toldurmaq kerek olğan Reşat Ametovnı añıp, dua keçirdi», – dep yazdı Smedlâyev.

Toplaşuvnıñ özünde iştirakçiler, işke qoşulğan video-malümatlarnı talil etmege devam etti. Nevbetteki mahkeme toplaşuvı yanvar 25 kününe tain etilgen, dep haber etti Qırımtatar Milliy Qurultayınıñ Merkeziy saylavkomissiya reisi.

Qırımda 2014 senesi mart 3 künü Reşat Ametov Aqmescitteki Qırım Nazirler Şurasınıñ binası yanına kendi narazlıqnı bildirmek içün çıqtı ve o yerden esir alındı. Martnıñ 15-de ise onıñ cesedi bir çoq qıynav izleri ile Qarasuvbazar rayonında ormanda tapılğan edi. Qırım akimiyeti qırımtatar faaliyetçiniñ qatilini tapqanını mukâfatnen taqdirlemege söz bergen edi. Lâkin qatil alâ daa bulunmağan.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

Qırım «mahkemesi» Çiygoznı aprel 8-ne qadar apiste qaldırmağa qarar alğan edi.

XS
SM
MD
LG