Moskva şeer mahkemesi Qırımda diversiya azırlaması ile qabaatlanğan ukrain Andrey Zahteyniñ apis cezasınıñ uzatılmasına dair qararnı qanunğa uyğun dep tanıdı, dep haber ete «İnterfaks».
«Moskvadaki Lefortovo mahkemesiniñ qararını deñiştirmemek, advokatnıñ şikâyet arizasını red etmek», – dep seslendirdi qararını mahkemeci yanvar 24-de.
Avgust 10-da Rusiye Federal havfsızlıq hızmeti bildirdi ki, avgust 7-ne keçer gecesi işğal olunğan Qırımda yarımadada terakt azırlağan «ukrain diversantları» gruppası yaqalandı.
Ukraina akimiyeti bunı inkâr etip, Rusiye mahsus hızmetleriniñ «provokatsiyası» olğanını bildirdi.
Rusiye mahsus hızmetleri bildire ki, Yevgeniy Panov ve Andrey Zahtey «diversantlar gruppasınıñ» azaları ola. Bu gruppa yarımadanıñ turistik ve içtimaiy infrastruktura obyektlerinde terakt kerçekleştirecek edi eken.
