Link açıqlığı

Rusiyeniñ paytahtı Moskvada İldar Dadinge qoltutmaq içün keçirilgen bir kişilik aktsiyalarda dört faal yaqalandı, dep bildire «OVD-İnfo» portalı. Qayd etile ki, yaqalanğanlarnı politsiya bölügine alıp ketkenler.

Faaller vaqia yerinde piketler devam etkenini haber ete.

Narazılıq aktsiyaları yanvar 24-de Dadinniñ Ceza kodeksiniñ mitinglerde bir qaç bozuv maddesinden bergen şikâyetini baqqan Rusiye Anayasa mahkemesiniñ toplaşuvına bağışlana.

İldar Dadin Rusiyede miting keçirüviniñ qaidelerini defalarca bozğanı içün ilk olaraq mahküm etildi. Mahkeme onı eki buçuq yılğa qadar azatlıqtan marum etti. Sentâbr başında Dadin Segeja şeerindeki apishanege avuştırıldı. Noyabr 1-de o, Cezalarnı yerine ketirüv federal hızmetine azap çekkeninden ve urulğanından şikâyet etti. Dekabr ayında onı Altay apishanesine avuştırğanlar.

XS
SM
MD
LG