Link açıqlığı

«Çiygoznıñ işi» boyunca qabaatlağan taraf, mahkemede sorğulaması içün çoqtan berli qıdırılğan esas şaatlarından birini, Aluşta regional Meclis yolbaşçısı, şeer memüriyet yolbaşçısınıñ sabıq müavinini taptı. Bunı Qırım.Aqıqat muhbiri bildire.

Mahkeme toplaşuvında aytılğanına köre, mahkeme muracaatına cevap bererek, qıdırlğan şaat Enver Arpatlı Rusiyeniñ Tataristan Cümhuriyetinde çalışqanı ve merkezi Pestretsı köyü olğan Pestreçinsk rayon belediyesiniñ İcra komitetiniñ yolbaşçı muavini vazifesinde çalışqanı beyan etildi.

Böylece,mahkemede fevral 2 kününe videobağ vastası ile şaat Arpatlınıñ sorğunı tain etildi.

Taqiqat tarafından berilgen foto ve video-malümatlar ögrenilgende, advokatlar bir qaç kere bu insan yüz bergen adisede pek faal olğanını qayd etken ediler, qabaatlanğan Ahtem Çiygoz ise Arpatlı özü regionlardaki faaliyet ve Qırım Yuqarı Şurası ögünde regional meclis vekilleriniñ toplaşması içün mesuliyetli olğanını qayd etti.

Qırım Yuqarı Şura binası etrafında 2014 senesi fevral 26 künü Ukraina birligi içün ötkerilgen miting iştirakçileri ve Rüsiye tarafını tutqan ayrımcılar arasında çatışma yüz bergen edi. Yarımada arbiy küç ile zapt etilgen soñ, Rusiye akimiyeti 26 fevral vaqiaları içün mahkeme işini açtı ve sekiz qırımtatarını kutleviy qalabalıqlarda qabaatladı, şu sırada Qırımtatar Milliy Meclis reisiniñ müavini Ahtem Çiygoz.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

Qırım «mahkemesi» Çiygoznı aprel 8-ne qadar apiste qaldırmağa qarar alğan edi.

XS
SM
MD
LG