Link açıqlığı

Qırımnı işğal etkeni sebebinden Rusiyege qarşı qabul etilgen sanktsiyalar aqibetinde yarımadada onlarnen yatırım leyhası toqtatıldı ve olarnıñ devam ettirilmesi imkânsız. Bunı Qırım.Aqiqat Radiosınıñ efirinde Qırım ekspertler merkeziniñ yolbaşçısı Aleksey Starodubov bildirdi.

«Eger de biz yarımadanıñ normal yaşayışı aqqında subetleşken olsa edik, Ukraina vaqıtında Qırımda çalışqan leyhalar olur edi. Devlet-şahsiy işbirlik leyhaları bar edi, olar limanlarnen bağlı edi, Kefedeki cermay mahsulatınen teminlegen şirketke qazah yatırımcıları büyük setmiyalar qoşa edi, işğalden soñ onı Rusiye tarafı devlet mülküne çevirdi. «Çernomornefgegaz», «Krımenergo» inkişafı – bügünki künde bütün bu leyhalar toqtatılğan, işğal olmaycağı taqdirde beklenilgeni kibi inkişaf etip olamaylar», – dedi Starodubov.

Ukrain eksperti qayd etti ki, sanktsiyalar sebebinden ğarbiy mahsulat ve tehnologiyalar Qırım içün yasaq etilgen.

«Bütün yüksek tehnologiya mahsulatı Qırım içün yasaqlanğan, Qırımlılar içün keñiş añlamda yasaq etilgen. Sadece bireyler içün degi de, yuridik zat – Qırımda çalışmağa qalğan şirketler içün de yasaqlanğan. Şu cümleden cermay ve gaz kompleksinde, Keriç köpüriniñ quruculığında. Çin istisalcılarınen bazı problemler olğan edi, olar da Keriç köpürini qurmaq içün tehnologiya mahsulatını ketirmege razı olmağan ediler. Avropa ve Amerikada populâr olğan mahsulatnıñ alınılması aqqında söz yürsetmege sıra tüşmey», – dep qayd etti Starodubov.

Amerikada Demokratik fırqa ve Cumhuriyetçilerden senatorlarnıñ bir gruppası, yanvar 22 künü, qanun leyhasını teklif etip, prezident Donald Trump içün Rusiyge qarşı sanktsiyalarnı lâğu etmek imkânını blok etemege niyetli olğanını bildirdiler.

Rusiye tarıfından Qırım işğal etilgen soñ ve Ukrainanıñ şarqiy topraqlarında cenk başlatılğanından soñ ğarbiy devletler Rusiyege qarşı sanktsiyalarnı qabul eti. Yaptırımlar em şahsiy, em de yuridik zatlarnıñ işine ait, ve olarnıñ cedveli bazıda keñişletile.

AQŞ sabıq prezidenti Barack Obama yanvar 14 künü bildirdi ki, 2014 senesi Rusiyege qarşı ve işğal etilgen Qırımda rus şirketlerine qarşı qabul etilgen sanktsiyalarnıñ bir-qaç qısımını daa bir yılğa – 2018 senesi mart 6 kününe qadar devam ettirdi. AQŞ qanunlarına köre, prezident tarafından müddet uzatılmasa, bu kibi sanktsiyalarnıñ rejimi bir yıl keçken soñra öz küçüni coya.

XS
SM
MD
LG