Link açıqlığı

Moskva şeer mahkemesi yanvar 24-de «ukrain diversantları» Andrey Zahtey ve Yevgeniy Panovnıñ şikâyet arizalarını baqacaq ola, dep bildirdi Moskvanıñ Lefortovo mahkemesiniñ matbuat kâtibi Yekaterina Krasnova «İnterfaks» agentligine.

«Qabaatlanğan Zahtey ve Panovnıñ menfaatlarını temsil etken advokatlarnıñ şikâyet arizaları yanvar 24-de Moskva şeer mahkemesinde baqılacaqtır», – dep bildirdi Krasnova.

İş mabuslarınıñ imayesi olarnıñ apisten azat etilmesini talap etecek ola. Zahteyniñ advokatı İlnur Şarapovnıñ aytqanına köre, birinci instantsiya mahkemesi mabusnıñ apiste tutmaq içün taqiqat delilleriniñ sebeplerini teşkermedi.

«Esas delilimiz şu ki, taqiqat mahkemege mabus ne ile qabaatlanğanına ve angi cinayetke alâqası olğanına dair iç bir delil köstermegen edi», – dep ayttı İ.Şarapov.

Moskvanıñ Lefortovo mahkemesi dekabr 5-de Qırımda diversiya azırlaması ile qabaatlanğan ukrainalılarnıñ apis cezasını daa üç ayğa (2017 senesi mart 7-ne qadar) qapalı şekilde uzattı.

Avgust 10-da Rusiye Federal havfsızlıq hızmeti bildirdi ki, avgust 7-ne keçer gecesi işğal olunğan Qırımda yarımadada terakt azırlağan «ukrain diversantları» gruppası yaqalandı. Ukraina akimiyeti bunı inkâr etip, Rusiye mahsus hızmetleriniñ «provokatsiyası» olğanını bildirdi.

Rusiye mahsus hızmetleri bildire ki, Yevgeniy Panov ve Andrey Zahtey «diversantlar gruppasınıñ» azaları ola. Bu gruppa yarımadanıñ turistik ve içtimaiy infrastruktura obyektlerinde terakt kerçekleştirecek edi eken.

XS
SM
MD
LG