Rusiye advokatı Nikolay Polozov yanvar 22-de Ukraina Açıq Fikirlilik kününde Rusiye ve işğal etilgen Qırımdaki siyasiy mabus olğan ukrainalılarnı unutmamağa çağırdı. Bunı o Facebookta yazdı.
«Ukrainalılarnıñ Açıq Fikirlilik künü hayırlı olsun! Bu künde Rusiye ve Qırımda tutılğan siyasiy mabus olğan Ukraina vatandaşlarını unutmamağa rica etem», – dep yazdı advokat.
Nikolay Polozov yanvar 23-de Avropa Şurası Parlament assambleyasında çıqışta bulunıp, Qırımda Ukraina vatandaşlarına yapılğan basqı aqqında bildirecegini ayttı.
Ukraina prezidenti Petro Poroşenko Açıq Fikirlilik künü munasebetinen keçirilgen tedbirlerde Ukraina topraq bütünligi ve devlet sıñırlarınıñ ğayrıdan tiklenmesi ukrain akimiyetiniñ esas vazifesi olğanını ayttı.
Ukraina Açıq Fikirlilik tedbirlerinde Petro Poroşenko Qırımtatar Milliy Meclisiniñ reisi Refat Çubarovn Azatlıq nişanı ile taqdirledi.
Qırımtatar halqınıñ lideri Mustafa Cemilev Açıq Fikirlilik kününde Ukraina duşmannı yeñe ve inkişaf etken demokratik memleketler sırasına kire bile, dep qayd etti.
