Link açıqlığı

Ukrainanıñ Birleşüv Künü munasebetinen keçirilgen tantanalı merasimler vaqıtında Petro Poroşenko, Qırımtatar Milliy Meclis reisi Refat Çubarovnı Azatlıq ordeni ile taqdirledi. Bu aqta Ukraina pereziden idaresiniñ matbuat hızmetinde haber eteler.

Yanvar 21 künü Poroşenkonıñ imzalanğan fermanında böyle aytıla: «Devlet qurucılığına ve ukrain cemiyetiniñ birleşmesine qoşqan şahsiy salmaqlı issesi içün ve çoq yıllar devamında insafnen yapqan emegi içün: Ukraina halq vekili, Qırımtatar Milliy Meclis reisi – Çubarov Refat Abdurahmanoviçni Azatlıq ordeni ile taqdirlemek».

Keçende Qırımtatar Milliy Meclis reisi, Ukraina Yuqarı Radasında «Petro Poroşenkonıñ Blokı» fraktsiyasınıñ deputatı Refat Çubarov, devlet yolbaşçısı Petro Poroşenkonı ve Ukraina akimiyetini, Konstitutsion Komissiyanı toplap, Qırımnıñ Qırımtatar Muhtar Cumhuriyetine çevirilmesi aqqında Esas Qanun deñişmelerini azırlama çağırdı.

XS
SM
MD
LG