Qırımda yarımada yolları hızmetiniñ leyhası başladı – yol çuqurlarınıñ interaktiv haritası çalışa. Berilgen malümatqa köre, haritada er kes yarımada yollarınıñ problemli yerlerini, tamir etilgen yerlerini köre bile ve yollardaki çuqurlar aqqında haber ete bile.
«Harita müessisege telefon etken vatandaşlarnıñ bergen malümatına esaslanıp yapılğan talil neticeleri ve regional ve belediyelerara yollarınıñ talil neticelerine köre tizile», – dep bildire müessiseniñ saytı.
Şimdilik haritada 52 problemli yer qayd etilgendir.
Bundan evel Aqmescit yollarınıñ çuqurlarını qayd etmek içün de aynı harita tizilgen edi.
Kreml kontrol etken Aqmescit şeeri memuriyetiniñ yolbaşçısı Gennadiy Baharevniñ aytqanına köre, Aqmescitte tahminen 80 soqaq tamir etilmeli, olarnıñ umumiy meydanlığı 89,9 biñ metr kâreni teşkil etedir.
