Dünyanıñ çeşit şeerlerinde faaller «Stop Putin's War in Ukraine 3.0» aktsiyasına qoşuldılar. Böylece Frenkistan, Gürcistan ve Latviya sakinleri Ukrainanı desteklemek içün soqaqlarğa çıqtılar.
Lion şeerinde (Frenkistanda) «Ukrainağa şüret! Qaramanlarğa şan-şüret!» şiarı yanğıradı.
Riga (Latviya) sakinleri Azatlıq abidesi yanına çıqtılar.
Gürcistanda faaller, Putinge qarşı levhalarnı elge alıp, Ukraina bayraqları astına turdılar.
Bu kibi aktsiyalar dünyananıñ ve Ukrainanıñ daa bir sıra şeerlerinde keçirilecegi belgilene. Faaller Avstraliyada, Petersburg, Moskva, Kyiv, İvano-Frankivsk şeerlerinde ende toplaşqan ediler.
Faallerniñ esas talapları sırasında – Ukranadan bütün rus işğalci ordularınıñ çıqarılması, bütün silâ ve arbiy tehnikanıñ Rusiyege keri qaytarılması, OSCE nezaretçiler missiyasınıñ küçlenmesi ve aftada 7 kün, künde 24 saat çalışması, ve Ukrainanıñ vaqıtınca kontrol etmegen sıñır bölgelerine OSCE nezaretçileriniñ keçmesi.
Bundan da ğayrı faaller, Rusiyede ve Qırımda uydurılğan qabaatlarnen ve siyasiy sebeplernen apis etilgen Ukraina vatandaşlarını azat etmege talap eteler.
