Link açıqlığı

Kyivde qırımtatar el sanatınıñ kollektsiyasını taqdim ettiler


Kyivde dekabr 20, cuma künü «Dünya örnekleri» («Uzorı mira») leyhası çerçivesinde «İvan Gonçarnıñ Müzeyi» Halq medeniyetiniñ milliy merkezinde qırımtatar el sanatınıñ kollektsiyası taqdim etildi.

Çölmekçi, «El-Çeber» icat ustahanesiniñ reberi Rustem Skibin, sergini izaatlap dey ki: «Bizge ecdadımızdan qalğan mirasnı inkişaf ettiremiz. Bu eşyalar, men bellesem, halnıñ öz kimliginiñ işaretleri, halqnı tertip etken elementlerden biri».

Qırımtatar Milliy Meclis azası Eskender Bariyevniñ sözlerine köre, bu kibi sergiler milliy özgünlikni saqlamaq içün müimler.

«Ustalarnıñ ve bu saada mutehassıslarnıñ azırlanuvı, diger medeniyet vekilleriniñ qırımtatar medeniyetinen tanış olması – bu medeniy diplomatiyadır», – dep tüşüne Bariyev.

Kyivde yanvar 18 künü «Dünya örnekleri» leyhası taqdim etildi, onıñ maqsadı – qırımtatarlarnı birleştirmek, cemiyetke qoşmaq ve etnik kimligini saqlamaqtır. Leyha çerçivesinde qırımtatar el sanatlar kolektsiyası azırlanıldı.

XS
SM
MD
LG