Link açıqlığı

Stanford universiteti ukrainliler içün «Ukrainian Emerging Leaders Program» adlı mahsus programmanıñ açılması aqqında ilân etti.

Qoşulmaq içün arizalar 2017 senesi 15 fevralge qadar qabul etilecek. Bütün namzetlerden üç iştirakçi saylanılacaq, olar endi bu sene sentâbr ayında Silicon vadiysine yol alıp, 10 ay devamında ögrenecekler. Burs – 70 000 dollarnı teşkil ete.

Oquv yurtunıñ Demokratiya, uquq üstünligi ve inkişafı Merkezi tarafından azırlanılğan bu programma siyasetçi, adliyeci, iş adamları ve cemaat teşkilâtlarınıñ yolbaşçılarına yöñelgen.

Namzetler işbu talaplarğa uymaq kerekler – ukrain vatandaşlığı ve programma yekünlengen soñ Ukrainağa qaytmaq niyeti, eñ azından 28 yaşında, demokratiya, uquq üstünligi ve inkişafı saasında irişmeleri, eñ azından 5 yıllıq iş tecribesi ve yeterli seviyede inglis tiliniñ bilgisi.

Mezkür programma boyunca oquş 2017 senesi sentâbr ayından 2018 senesi iyün ayına qadar devam etecek.

XS
SM
MD
LG