Link açıqlığı

Medvedev Keriç keçitini Rusiye Gvardiyasınıñ quvetlerinen qorumağa emir etti


Keriç keçitiniñ avadan çekilgen foto-resimi

İşğal etilgen Qırımdaki Keriç keçiti, Rusiyeniñ milliy gvardiyası tarafından qorulacaq suv obyektleriniñ cedveline kirsetildi. Bu aqta Rusiye baş naziri Dmitriy Medvedevniñ imzalağan fermanı Rusiyede adliye malümatlarınıñ resmiy sitesinde yerleçtirilgen.

«Rusiye Federatsiyasınıñ milliy gvardiya arbiy bölükleri tarafından qorunğan, eñ qıymetli resurslar bölgelerindeki suv obyektleriniñ ilâvedeki cedvelini tasdiqlamaq», – dep buyurıla 18 yanvar 2017s. №32-p vesiqasında.

Mezkür cedvelge bu obyektler de kirsetilgen: Qara deñizniñ sailinde Pesçanıy burunı ve Psou özeni (Rusiyeniñ Krasnodar vilâyeti ve Abhaziyanıñ Gagr rayonı arasındaki sıñırda aqqan özen – QA) arasındaki bölge, Azaq deñizinde Taganrog körfezi, Baltik ve Barents deñizlerinde, Amur, Edil, Yenisey öznlerinde bazı bölgeler ve saire.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG