Link açıqlığı

Çubarov: Qırımğa «LNR» ve «DNR» zümreleriniñ liderleri kelgeni Rusiyeniñ terrorizm ile bağlı olğanını isbatlay


Qırımtatar Milliy Meclis reisi, Ukraina halq vekili Refat Çubarovnıñ fikirine köre, «LNR» (Lugansk Halq Cumhuriyeti) ve «DNR» (Donetsk Halq Cumhuriyeti) zümreleriniñ liderleri İgor Plotnitskiy ve Aleksandr Zaharçenko Qırımnı ziyaret etkenleri – Rusiye, terroristik ücümlerniñ teşkil etilmesinde ortaq olğanını isbatlay bile. Böle fikirni Çubarov, yanvar 17 künü Qırım.Aqiqatqa bergen izaatında seslendirdi.

«Bizler nervalanmaq ve itiraz bildirmek kerek degilmiz, bizler tetamatnen qayd etmek kerkmiz. Bügün, Ukrain devleti Rusiyege qarşı Halqara mahkemege şikâyet etkeninden ekinci kün. Terroristik teşkilâtlarnıñ yetekçileri Qırımğa kelgenleri, ve bunıñ episi Rusiye nezaretindeki topraqlarda olıp keçkeni – Rusiye devleti zemaneviy dünyada terroristik ücümlerniñ azırlanılmasında ve teşkil etilmesinde ortaq olğanına daa bir isbattır», – dep ayttı Refat Çubarov.

Keçende rus haber vastaları, «LNR» ve «DNR» zümreleriniñ liderleri Qırımğa kelgenini bildirdiler. Plotnitskiy ve Zaharçenkonıñ ziyareti Pereyaslav Radasınıñ 363-ci yıllığınıñ qayd etilmesinen bağlı olğanı tahmin etile.

Yanvar 16 künü Ukraina BM Halqara mahkemesine muracaat etip, terrorizm ve ırq ayırımına maddiy destekekniñ toqtatılması aqqında halqara konventsiyalar Rusiye tarafından bozulğanına şikâyet etti.

XS
SM
MD
LG