Link açıqlığı

Kyivde «Qırm diasporası» Qırım Muhtar Cumhuriyetiniñ Kününe bağışlanacaq merasim aqqında ilân ete


Tasviriy resim

«Qırım diasporası» Cemaat teşkilâtı yanvar 20, cuma künü Qırım cumhuriyetiniñ Kününe bağışlanğan «Qırımnı sevemiz» adlı aqşam keçirecegini ilân ete. Bunı teşkilâtnıñ matbuat hızmeti bildire.

«1991 senesi yanvar ayından başlap er sene qayd etilgen Qırım Muhtar Cumhuriyetiniñ Kününe bağışlanğan merasim! Tamam yanvar 20 künü bizler adetince Qırım cumhuriyetiniñ Kününi qayd etemiz. Sizlerni bizim sevimli yarımadamıznıñ tarihı boyunca virtual kezinti, bilgi yarışması bekley. Merasimniñ esas vaqiası – Qırım manzaraları ile kart taqviminiñ taqdimi olacaq. İstegiñiz olsa, özüñiznen güzel keyf ve sevimli tatlılıqlarıñıznı ketire bilesiñiz», – dep aytıla bildirüvde.

Mezkür merasim Kyivde, yanvar 20 künü saat 19.00, Sverstük soq., 19, of. 914 adresi boyunca ötkerilecek.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG