Link açıqlığı

Saatnıñ esas haberi

Bağçasarayda yañı FSB binası açılğanını haber eteler


Bağçasarayda yanvar 17 künü Rusiye Federal telükesizlik hızmetiniñ Qırım ve Aqyardaki idaresiniñ yañı binası açıldı. Bunı «RİA Novosti Krım» rusiyeli neşiri bildire.

«Bağçasarayda biz eñ yaramay şaraitlerde buluna edik. Qurucılıq içün yeterli qadar sermiya ayırıldı, ve sekiz ayda bina quruldı», – dedi Rusiyeniñ Qırımdaki FSB idare yolbaşçısı Viktor Palagin.

Onıñ sözlerine köre, Qırımnıñ diger şeerlerinde de yañı FSB binaları qurulacaq.

«Yaqın zamanda bizler Keriçte ve Sudaqta qurucılıq başlaycamız», – dedi Palagin.

Neşirde qayd eteler ki, binanıñ açılış merasiminde Rusiye FSB müdiriniñ birinci muavini, FSB sıñır hızmetiniñ yolbaşçızı Vladimir Kulişov, Qırımdaki FSB yolbaşçısı Viktor Palagin, ve Kreml kontrolündeki Qırım parlamentiniñ yolbaşçısı Vladimir Konstantinov bar ediler.

XS
SM
MD
LG