Link açıqlığı

Rusiye Tışqı işler nazirligi Gaagada «uquqiy imayeniñ bütün usullarını» qullanacağını ayta


Rusiye Tışqı işler nazirligi, Ukraina tarafından Rusiyege qarşı Gaagadaki BM Halqara mahkemesine şikâyet etilgeni munasebetinen «uquqiy imayeniñ mümkün olğan bütün usullarını» qullanmağa azır olğanını bildirdi. Bunı yanvar 17 künü Rusiye TİN matbuat hızmeti bildirdi.

«Ukrainanıñ esas ve, belki de, yekâne maqsadı – bir de bir kelişamamazlıqlarnı çezmek degil de, Rusiye Federatsiyasına qarşı Halqara Mahkemege muracaat etmek içün sebep tapmaq edi», – dep qayd ettiler müessisede.

Rusiye Tışqı işler nazirliginiñ matbuat hızmetinde deyler ki, Rusiyege qarşı Halqara mahlemege muraat «sadece aniy siyasiy menfaatlar oğrunda» yapılğan.

Keçende Ukraina BM Halqara mahkemesine muracaat etip, terrorizm ve ırq ayırımına maddiy destekekniñ toqtatılması aqqında halqara konventsiyalar Rusiye tarafından bozulğanına şikâyet etti.

2017 senesi yanvar ayınıñ başında, Qırım boyunca halqara mahkemeniñ birinci qararı 2019-2021 seneleri ilân etilwcegi bildirilgen edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG