Link açıqlığı

Aqmescitte şeer memuriyet yolbaşçısınıñ birinci muavinini deñiştirmege niyetliler


Aqmescitniñ şeer şurası. Arhiv resimi

Aqmescit şeer şurasınıñ nevbetten tış toplaşuvında baqılacaq kün mevzuları sırasına Qırım paytahtı yolbaşçısınıñ birinci muavini deñişecegi aqqında sual kirsetilgen. Bunı yanvar 16 künü Kreml nezareninde çalışqan Aqmescit memuriyetiniñ matbuat hızmeti beyan etti.

«Aqmescit şeer memuriyeti yolbaşçısınıñ birinci muavini vazifesine Ovdiyenko A.D. tain etilmesiniñ uyğunlaşuvı», – dep qayd etile şeer şurasınıñ kün mevzularında.

Bundan da ğayrı, Aqmescitniñ rus memuriyende yolbaşı muavinleri olaraq daa eki namzetniñ uyğunlaşuvı planğa qoyulğan, olar – Nariman İsayev ve Sergey Krutsük.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG