Kyivniñ Darnitskiy bölge mahkemesinde devlet hainliginde qabaatlanğan, Qırım işğali vaqıtında Rusiye ordusına hızmet etip başlağan tibbiy hızmet podpolkovnigi, Ukraina İİN kadr azırlığınıñ yolbaşçı muavini içün ceza qararını çıqardı. Bunı yanvar 16 künü öz Facebook saifesinde Ukrainanıñ baş arbiy prokurorı Anatoliy Matios yazdı.
«Bügün (yanvar 16 künü – QA) mahkeme, qabul etken qararını ilân etti – yapqan cinayetleri içün, podpolkovnik, toplu olaraq 8 yılğa azatlıqtan marum etildi», – dep yazdı Matios.
Qırım Muhtar Cumhuriyetiniñ Prokuraturası, devlet hainliginde qabaatlanğan Qırım Yuqarı Şurasınıñ 11 sabıq deputatına qarşı qabaat qararlarını mahkemege teslim etti.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
