Link açıqlığı

Saatnıñ esas haberi

Qırımda «Çiygoznıñ işi» boyunca mahkeme toplaşuvları devam etti – advokat


Nikolay Polozov, arhiv resimi
Nikolay Polozov, arhiv resimi

Kreml nezaretindeki Qırımnıñ Yuqarı mahkemesi, Qırımtatar Milliy Meclis reisiniñ muavini Ahtem Çiygoznıñ işi boyunca toplaşuvlarını devam ettirdi. Bunı Twitterde yanvar 16 künü mabusnıñ advokatı Nikolay Polozov haber etti.

«Ahtem Çiygoznıñ işi boyunca mahkeme toplaşuvnda maddiy deliller – fotoresimler tedqiq etile», – dep yazdı Polozov.

Advokatnıñ bergen malümatına köre, mahkeme toplaşuvına Ahtem Çiygoznıñ babası keldi. «Oğlunı, iç olmağanda, televizorden video-bağ vastasınen körmege istey», – dep yazdı Polozov.

Ukraina Tışqı işler nazirligi Rusiyeden, qırımtatarlarğa qarşı siyasiy basqılarnı toqtatmağa çağırdılar.

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Rus Birligi» firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

Qırım «mahkemesi» Çiygoznı aprel 8-ne qadar apiste qaldırmağa qarar alğan edi.

XS
SM
MD
LG