Kreml kontrolündeki Qırım akimiyeti, BM içün rezolütsiya leyhasını azırlap, Qırım «daa Ukrainanıñ qısımı» olğanda insan aqlarınıñ bozuluvı aqqında şikâyet etecek ola. Bunı RİA Krım agentligine Qırımda milletlerara munasebetler ve sürgün olunğan vatandaşlarnıñ işleri boyunca Rusiye devlet komitetiniñ reisi Zaur Smirnov bildirdi.
«BMT içün Ukraina boyunca Qırım rezolütsiyası endi azırlanıldı. Onda, Ukraina devirinde Qırımda yüz bergen vaqialar ve, bu sırada, insan aqlarınıñ bozulması boyunca malümatlar toplanılğan. Biz vaziyetni hronologik tertip ile tariflemege trıştıq», – dedi Smirnov.
Birleşken Milletler Teşkilâtı Baş assambleyası, dekabr 15 künü, işğalci-devlet Rusiye Federatsiyası tarafından Qırım Muhtar Cumhuriyetinde insan aqlarınıñ bozulması aqqında rezolütsiyasını etti. Vesiqalarında, Rusiye – «işğalci-devlet» olğanı qayd etile, Qırım Muhtar Cumhuriyeti ile Aqyar ise – «vaqıtınca işğal etilgen topraqlar».
Rezolütsiyağa 70 devlet qoltuttı, 77 – bitaraf qaldı, 26 – qarşı çıqtı. Qarşı çıqqan devletler – bu Angola, Ermenistan, Belorusiye, Bolivya, Burundi, Kamboçya, Çin, Komor, Küba, Cenübiy Koreya, Eritre, İndistan, İran, Qazahistan, Nikaragua, Filipinler, Rusya, Sırbistan, Güney Afrika, Güney Sudan, Sudan, Suriye, Uganda, Özbekistan, Venezuela ve Zimbabwe.
