Link açıqlığı

Moskvada faaller sisyasiy mabuslarğa destek bildirmek içün aktsiya keçirdi, 40 insan yaqalanğan


Arhiv resimi: Rusiye, «Vesna» areketiniñ İldar Dadin içün destek aktsiyası, 7 dekabr 2016 senesi

Moskvada (Rusiye) yanvar 14 künü faal vatandaşlar siyasiy mabuslarğa, ayrıca İldar Dadinge, destek bildirmek içün aktsiya keçirdiler. «OVD-İnfo» uquq qorçalayıcı portalı bildire ki, aktsiya başlanğan soñ toplaşqan insanlarnı yaqalap başladılar. Episi olıp, rusiye uquq qoruyıcıları tahminen 40 insannı yaqaladı, deyler uquq qorçalayıcılar.

Yaqalanğanlardan biri, Vladimir Zalişçak Twitterde yazdı ki, apis arabasında bir qadın yaramadı. Oña acele yardım maşnasını çağırdılar. Episi olıp, Zalişçaknıñ esaplarına köre, merasimge 50-ge yaqın insan toplaştı.

Uquq qorçalayıcılarnıñ bildirüvlerine köre, şimdiki saatte, İçki işler nazirliginiñ «Meşçanskiy» organlarına ketirilgen faalerni, protokol tizmeden, yiberdiler. Daa 14 insan İİN «Basmannıy» organlarına ketirildi, olarğa advokatnı yibermeyler.

İldar Dadin Rusiyede miting keçirüviniñ qaidelerini defalarca bozğanı içün ilk olaraq mahküm etildi. 2016 senesi noyabr ayında o, Kareliya apishanesinde onı qıynağanlarını beyan etti ve buña şikâyet etti. Cezalarnıñ icra etüv federal hızmetinde, Dadinniñ şikâyetleri teşkerilgenini ve olarnı tasdiqlap olamağanını beyan etti.

XS
SM
MD
LG