Link açıqlığı

Birleşken Milletler Teşkilâtındaki AQŞ elçisi Samantha Power, saylanılğan AQŞ prezidenti Donald Trumpnıñ idaresine muracaat etip, BM içün ayırılacaq sermiyalarnı eksiltmemege çağırdı. O tenbiyeledi ki, eksiltüv – Qıtay ve Rusiyeniñ kârı içün AQŞ menfaatlarına zarar bermek mümkün. Bunı Radio Svoboda haber ete.

Bu halqara teşkilâtında Amerikanıñ elçisi vazifesini yekünler eken, yanvar 13 künü yekün çekici matbuat konferentsiyasını keçirip, Power dedi ki: «Bizler, ayrıca, BM Teşkilâtında yetekçi olğanımız içün – dünyada da yetekçimiz».

AQŞ Kongressinde bulunğan İsrail tarafdarları, AQŞ tarafından BM içün para ayırılmasını toqtatmaq içün qanun leyhasını teklif ettiler. Böylece olar, BM Telükesizlik Şurasında, İsrailni, o Urdun özeniniñ ğarbiy sailinde ve Şarqiy Qudusta qanunsız qurucılıqnı devam etkeni içün tenqit etken rezolütsiya qabul etilgenine cevaplandılar.

AQŞ Birleşken Milletlerge eñ çoq para ayırğan devlettir. İş bücetiniñ 22% toldura ve barışıq missiyalarınıñ çalışması içün bücetniñ dörtte birini ödey.

XS
SM
MD
LG