Link açıqlığı

Ukraina Tışqı işler nazirligi Qırımda yaqalanğan faalniñ vaziyetini kontrol ete – Betsa


Maryana Betsa

Ukraina Tışqı işler nazirligi Qırımda yaqalanğan faal Andrey Vinogradov meselesini kontrol altında tuta, amma resmiy bir şey aytmay, çünki tasdıqlanğan malümat daa yoq. Bunı Ukraina TİN matbuat kâtibi Maryana Betsa Qırım.Aqiqatqa yanvar 13-de ayttı.

«Olıp keçken adisege dair tolu malümat almağa tırışamız, çünki Andrey Vinogradov ve ömür arqadaşınıñ yaqalanmasını yalıñız kütleviy haber vastaları aydınlattı. Maalesef, Qırımda böyle şeyler aman-aman er kün ola, bu kerçek haber ya da Rusiye akimiyetiniñ daa bir yalanı – añlap olamayıq. Er bir adisege TİN diqqat ete, kontrol altında tutamız. Yarımadada temsilciligimiz ya da konsullığımız yoq, Qırımnen bağlı bütün malümatnı uquq qorçalayıcı ya da jurnalistlerden alamız. Bu malümatnı tekrar teşkerip, vaqianıñ haritasını tizmek kerek. Bunı yapsaq, TİN fikirlerini aydınlatıp olurmız», – dedi Betsa.

Yanvar 12-de Aqmescitte Rusiye FSB hadimleri Ukrain medeniyet merkeziniñ faali Andrey Vinogradovnı ve ömür arqadaşı Natalyanı yaqaladılar. Yanvar 12-de aqşam Andrey Vinogradov ve ömür arqadaşı evlerine yiberildi, dep haber etildi.

XS
SM
MD
LG