Aprel ayında ukrain kinoteatrlerinde qırımtatar yırcısınıñ «Eurovision-2016» yarışında ğalebesine ıntıluv yolunı añlatacaq «Jamala.UA» vesiqalı filmi çıqacaqtır. Bunı film müellifleri bildirdi.
Olarnıñ aytqanına köre, levha Jamalanı bam-başqa taraftan kösterecek, ışıq ve oyun olmaycaq.
Film rejissöri Anna Akuleviç oldı, «Jamala.UA» vesiqalı levhası onıñ içün debüt sayıla.
«Jamala.UA» vesiqalı filmi
Jamala «Eurovision-2016» yır yarışınıñ ğalibi oldı, yarış finalı İsveçiyanıñ paytahtı Stockholmde mayıs 15 gecesi olıp keçti. Qırımlı qırımtatar sürgünligini añlatqan «1944» yırı ile çıqışta bulunğan edi. Yarış qaidelerine köre, 2017 senesi yarışnı Ukraina qabul etecek. «Eurovision-2017» Kyivde keçirilecektir.
