Bağçasaraylı qırımtataro Zevri Abseitovnı yanvar 12 künü mecburen psihiatrik hastahanege yerleştirdiler. Bu haber Facebookta «Krımski politv'yazni» («Qırım siyasiy mabuslaru») saifesinde bildirile.
Saifede qayd etilgeni kibi, bundan evel mecburen psihiatrik ekspertizadan İlmi Umerov, Muslim Aliyev, Vadim Siruk, Enver Bekirov, Emir-Usein Kuku, Ersen Cepparov, Refat Alimov, Remzi Memetov ve Enver Mamutov keçke ediler.
Mayıs 12 künü 2016 senesi Bağçasarayda rusiye silâlı hızmetleri bir sıra musulmannıñ evinde ve yerli qavehanede tintüv keçirdi. Neticede dört Bağçasaray sakini yaqalandı: Enver Mamutov, Remzi Memetov, Zevri Abseitov ve Rustem Abiltarov. Rusiye Federal telükesizlik hızmeti olarnı Rusiyede terroristik teşkilât olaraq tanılğan«Hizb ut-Tahrir» teşkilâtınen bağlı olğanını ayta.
«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.
