Link açıqlığı

Aqmescitte seksenden ziyade soqaq, episi olıp 89,9 biñ kare metrlik meydanlıq, ayazlardan soñ tamir etilmek kerek. Bunı Kreml kontrolündeki Aqmescit şeer memuriyetiniñ yolbaşçısı Gennadiy Baharev , tain etilgen Qırım yolbaşçısı Sergey Aksönov ile körüşkende bildirdi.

«Aqmescit yollarında çuqurlarnıñ yoq etilmesini idare etecek ştab teşkil etildi. Qazaiy vaziyetni tüzetmek içün müteahhitler işke çıqalar, lâkin ava şaraitleri bizge daima çalışmağa imkân bermey. Asfalt sılaq olğanda çalışmağa mümkün, lâkin yağanaqlar olmağanda», – dedi Baharev.

Onıñ sözlerine köre, bu işlerge 5 mln ruble kerek.

Bundan evel, Aqmescitte keçken sene tamir etilen bazı yollar kene de tamir etilmek kerek olğanı bildirile edi.

Kreml nezareti astında çalışqan Aqmescit memuriyatiniñ şeer hocalıq departamenti, bozuq yollarnıñ interaktif haritasını taqdim etti, o şeer sakinleriniñ şikâyetleri esasında tertip etildi. Haber etilgenine köre, haritada ilk inventarizatsiya olaraq Aqmescitteki yollarnıñ bozılması ve onıñ tamir etüv ceryanı akis etilgen.

XS
SM
MD
LG