Link açıqlığı

Saatnıñ esas haberi

Qırımda FSB tarafından yaqalanğan Ukrain medeniyet merkeziniñ faali ve onıñ ömür arqadaşı evge yiberildi


Спецоперация ФСБ в Петербурге по задержанию участников незаконных вооруженных формирований
Спецоперация ФСБ в Петербурге по задержанию участников незаконных вооруженных формирований

İşğal etilgen Qırımda Ukrain mediyet merkeziniñ faali Andriy Vinogradov ve onıñ ömür arqadaşını FSB yaqalap, soñra evge yiberdi. Bunı Qırım.Aqiqatqa aileniñ advokatı Edem Semedlâyev haber etti.

Onıñ sözlerine köre, Andriy Vinogradov ve onıñ ömür arqadaşı Natalyağa qarşı Rusiye Cinaiy kodeksiniñ 280.2 (ekstremizm) maddesi boyunca taqiqat işlerinen bağlı teşkerüvler keriçirildi.

Advokat bildirdi ki, Vinogradovnıñ refiqası Natalya Harçenkonı bir-qaç saat devamında sorğudan keçirdiler.bunen beraber oña adliyeviy yardım berilmey edi, çünki Edem Semedlâyevni onıñ yanına yibermediler.

«FSB taqiqatçısı onıñ menfaatlarını temsil etmek içün meni yibermedi. Men FSB binasına kelip, müşterim angi taqiqatçıda bulunğanını ögrendim, oña telefon açtım ve müşterimniñ menfaatlarını qorçalamağa azır olğanımı bildirdim. Taqiqatçı, cevap berip, çıqacağını vade etti, neticede ise «coyuldı». Men Qırım ve Rusiye Federal telükesizlik hızmetiniñ «acele bağına» telefon açıp, bu adise aqqında haber ettim», – dedi advokat.

Neticede advokat tek Andrey Vinogradovnıñ menfaatlarını temsil ete bildi, taqiqatçı ondan da izaatlar almağa istedi. O ise, Rusiye Esas qanunınıñ 51-ci maddesine atıf etip, izaat bermege red etti.

Natalya Harçenkoğa nisbetten teşkerüvlerniñ keçirilmesine ne sebep olğanını, Edem Semedlâyev daa aytıp olamadı.

«Men bunı ögrenip olamadım, çünki sorğu vaqıtında Naltalya yaramadı. Onıñ bir-sıra hastalıqları bar, olarğa, bese-belli, stress tesir etti. Onıñ alı müşkül edi. Añlağanıma köre, mesele onıñ Facebooktaki yazıları ve begenmelerinen bağlı. Birazdan men onnen qunışıp er şeyni ögrenip olurım. Cinaiy iş daa açılmadı, amma, bellesem, Rusiyeniñ CK 280.2 maddesi boyunca açılacaqtır», – dey o.

Yanvar 12 künü Aqmescitte Rusiyeniñ FSB hadimleri tarafından Ukrain medeniyet merkeziniñ faali Andrey Vinogradovnıñ yaqalağanı belli oldı. Ömür arqadaşı Natalya ile onıñ kvartirasında tintüv keçirilgen vaqıtında o Merkezniñ yolbaşçısı Andrey Küzminge sms yollamağa yetiştirdi.

Tintüvden soñ aqay-apay ekisi de sorğudan keçirilmek içün Aqmescitteki Rusiyeniñ FSB binasına ketirildi.

XS
SM
MD
LG