Link açıqlığı

Frenkistan prezidenti François Hollande yanvar 12 künü, devletteki diplomatlar ile körüşkende, Frenkistan Qırımnıñ Rusiye tarafından işğal etilgenini tanımaycağını beyan etti. Bunı Ukrainanıñ Frenkistandaki elçisi Oleg Şamşur Twitterde haber etti.

«Yañçıq F. Hollande diplomatlar ögünde nutuğını yekünledi: Frenkistan, Qırım işğalini qabul etmeycek; sanktsiyalar, ancaq Minsk eda etilse lâğu etilecek», – dep aytıla bildirvde.

Ukrainanıñ Frenkistandaki elçihanesi ve Ukraina Tışqı işler nazirliginiñ sitelerinde François Hollandeniñ diplomatlar ile keçirgen körüşüviniñ tafsilâtı daa bildirilmegen.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG