Ukrainanıñ Amerika Qoşma Ştatlarındaki elçisi Valeriy Çalıy, AQŞ saylanılğan prezidenti Donald Trumpnıñ milliy telükesizlik meselesinde mesleatçısı Michael Flynn ile yaqın şlbirlikniñ planlarını muzakere etti. Bunı Çalıy öz Facebook saifesinde yazdı.
«Amerikanıñ bu ananesini, fikirimce, Ukraina da özüne ala bile: Barışıq institutında, akimiyetniñ bir taqımından diger taqımına estfetanıñ teslim etilmesi. AQŞ prezidenti Barack Obamanıñ milliy telükesizlik mesleatçısı, kendisine işbirlik içün teşekkür bildirgenim, Susan Rice ve AQŞ saylanılğan prezidenti Donald Trumpnıñ milliy telükesizlik mesleatçısı general Michael Flynn, onnen yaqın kelecekteki işbirlik planlarını muzakere etemiz», – dep yazdı Ukraina elçisi.
Yanvar 20 künü AQŞ saylanılğan prezidenti Donald Trump iqtidarğa keçecek. Prezident vazifesine başlamazdan ögüne o kelecek bütün taqımını tizip bitire.
