Link açıqlığı

Ankarada Türkiyedeki Rusiye elçihanesi yerleşken soqaqqa 2016 senesi dekabr ayında atıp öldürilgen Rusiye elçisi Andrey Karlovnıñ adı berildi. Bunı yanvar 10-da Radio Svoboda haber ete.

Türkiye paytahtınıñ akimiyeti soqaqqa Karlov adını bermek qararına şeer memurları bir ağızdan qoltuttı, dep qayd etti.

Türkiyedeki Rusiye elçisi Andrey Karlov dekabr 19-da Ankarada «Rusiye Kaliningraddan Kamçatkağa qadar seyaatçınıñ baqışında» fotoresimler sergisinde çıqışta bulunğanda öldürildi. Oña 22 yaşında politsiya hadimi Mevlüt Altıntaş ücüm etti. O, Rusiyeniñ Suriyede yapqanlarından intiqam alğanını ayttı. Politsiya ücüm etken kişini öldürdi. Rusiye ve Türkiye beraber taqiqatnı keçire.

Türkiye Tışqı işler naziri Mevlüt Çavuşoğlu dekabr 20-de soqaqqa elçiniñ adını bermege qarar alğanını ilân etken edi.

XS
SM
MD
LG