Link açıqlığı

Yaltalı «Hizb ut-Tahrir davasınıñ» şahsını psihiatrik hastahaneden soñ SİZOğa avuştırdılar


Vadim Siruk, arhiv fotoresimi

Yaltalı «Hizb ut-Tahrir davasınıñ» şahsı Emir Üsein-Kuku psihiatrik ekspertizadan soñ SİZOğa qaytarıldı. Bunı yanvar 9-da Qırım faali Anna Bogaçeva Facebooktaki «Qırım birdemligi» saifesinde paylaştı.

«Emir-Üsein Kuku mecburiy psihiatrik ekspertizadan keçken hastahaneden SİZOğa keri avuştırıldı», – dep yazdı Bogaçeva.

Dekabr ayınıñ soñunda «Hizb ut-Tahrir davasınıñ» daa bir şahsı Vadim Siruk psihiatrik hastahaneden SİZOğa qaytarılğan edi.

Oktâbr 12 künü Qırımda beş musulman ailede tintüvler keçirilgen edi. Tintüvlerden soñ beş qırımtatarı yaqalandı ve Rusiyede yasaq etilgen «Hizb ut-Tahrir» teşkilâtaında iştirak etkenlerinde qabaatlandılar: Rustem İsmailov, Uzair Abdullayev, Teymur Abdullayev, Emil Cemadenov ve Ayder Saledinov.

Yaltada çiçek satqan Vadim Siruk, «Hizb ut-Tahrir işi» boyunca qabaatlanıp, yarım yıldan ziyede apiste qala, o 2016 senesi fevral 11 künü yaqalanğan edi.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG